حرامی کون - حصہ پنجم

Written by شیخ راحیل احمد
Page 5 کا 6

۳۱:۔( دماغی مراق کے زیر اثر) اپنے خیال میں ہر ایک سے زیادہ روحانی طور پر بلند ہو گئے ” ان قدمی ھذہ علیٰ منارة ختم علیحا کل رفعۃ۔ ترجمہ: میرایہ قدم اس منارہ پر جہاں تمام روحانی بلندیاں ختم ہیں“۔خطبہ الہامیہ/رخ، ج۱۶ / ص۷۰۔ کیا یہ رسول پاک صلی اللہ علیہ وسلم کی توہین نہیں؟

۳۲:۔ اور انکی اولاد تو یہاں تک پہنچ گئی تھی کہ نعوذ باللہ کہ کوئی بھی رسول کریم صلی اللہ علیہ وسلم سے بڑھ سکتا ہے، انکا بیٹا اور جماعت کا خلیفہ ثانی، و خود ساختہ مصلح موعود اپنی ڈائری میں لکھتا ہے، ” یہ بالکل صحیح بات ہے کہ ہر شخص ترقی کر سکتا ہے اور بڑے سے بڑا درجہ پا سکتا ہے حتیٰ کہ محمد رسول اللہ سے بھی بڑھ سکتا ہے“۔ خلیفہ مرزا بشیر الدین محمود احمد کی ڈائری،اخبار الفضل قادیان، نمبر ۵ / ج ۱۰ / ۱۷ جولائی ۱۹۲۲۔ کیا یہ رسول پاک صلی اللہ علیہ وسلم کی توہین نہیں؟

۳۳:۔مرزا بشیرالدین محمود کی بات اس لئے بھی اہم ہے کہ وہ اپنے آپ کو انبیاءبنی اسرائیل کی طرح نبی قرار دیتے ہیں، لکھتے ہیں، ” جس طرح مسیح موعود کا انکار تمام انبیاءکا انکار ہے اسی طرح میرا انکار تمام انبیاءبنی اسرائیل کا انکار ہے۔ جنہوں نے میری خبر دی۔ میرا انکار رسول اللہ کا انکار ہے۔ جنہوں نے میری خبر دی“۔ الفضل قادیان / ج ۵ ، نمبر ۳ / ۲۲ ستمبر ۱۹۱۷ ۔ لو جی پہلے ایک نبی کا رولا ہی ختم نہیں ہو رہا ، دوسرا بھی آ گیا۔ مرزا محمود تو دعویٰ کر کے راہی ملک عدم ہوئے لیکن اب کیا کوئی قادیانی بتا سکتا ہے کہ وہ کونسے صحیفے ہیں / آیات ہیں یا احادیث ہیں ، جن میں انبیائے بنی اسرائیل نے یا رسول پاک صلی اللہ علیہ وسلم نے مرزا محمود کی خبر دی؟

۳۴:۔مرزا محمود نے یہ دعویٰ ایسے ہی نہیں کیا ۔ کیونکہ مصلح موعود والی پیشگوئی میں مرزا قادیانی نے اس پیشگوئی کے مصداق کو فخر رسل کہا ہے ، اس لئے مرزا محمود نے اپنے آپ کو، اور اس کے کاسہ لیسوں نے بھی اسکو فخر رسل کا بھی خطاب دیا ہوا ہے، حالانکہ اس جیسے انسان کے لئے خر رُسل کا خطاب بھی ایک خَر کے ساتھ بھی زیادتی ہے۔ مرزا قادیانی لکھتے ہیں، ” اے فخر رسل قرب تو معلومم شد ۔ دیر آمدہاز راہِ دور آمدہ “۔ایسے شخص کو فخر رسل قرار دینا ، جسکے سیاہ کردار پر بیسیوں لوگوں نے موکد بعذاب قسمیں کھاکر الزامات لگائے ہیں اور اسکی طرف سے کوئی معقول جواب بھی نہیں آیا،کیا یہ تمام انبیاءاور کیا یہ رسول پاک صلی اللہ علیہ وسلم کی توہین نہیں؟

۳۵:۔اب دیکھیں کس طرح اپنی ذات کو رسول پاک صلی اللہ علیہ وسلم سے آگے بڑھانے کے لئے ایک بے بنیاد سہارا لیتے ہوئے اپنی بڑائی کو دجل سے پیش کرتے ہیں، لکھتے ہیں،” اسکے لئے چاند کے خسوف کا نشان ظاہر ہوا اور میرے لئے چاند اور سورج دونوں کا، اب کیا تو انکار کریگا“۔ اعجاز احمدی، ضمیمہ نزول مسیح/ ر خ ، ج ۱۹/ ص ۱۸۲۔ کیا یہ رسول پاک صلی اللہ علیہ وسلم کی توہین نہیں؟

۳۶:۔ یہاں رسول کریم صلی اللہ علیہ وسلم کی صورت کو مرزا کے بروز کی شکل دیکر خود وہ صورت اختیار کرتے ہیں ، لکھتے ہیں،” ہمارے نبی کریم صلی اللہ علیہ وسلم جیسا کہ پانچویں ہزار میں مبعوث ہوئے، ایسا ہی مسیح موعود کی بروزی صورت اختیار کر کے چھٹے ہزار کے آخر میں مبعوث ہوئے“۔خطبہ الہامیہ/ ر خ ، ج ۱۶ / ص ۲۷۰۔کیا یہ رسول پاک صلی اللہ علیہ وسلم کی توہین نہیں؟

۳۷:۔فرماتے ہیں،”اس زمانے میں خدا نے چاہا کہ جس قدر نیک اور راست باز اور مقدس نبی گزر چکے ہیں، ایک ہی شخص کے وجود میں انکے نمونے ظاہر کئے جائیں تو وہ میں ہوں“ ۔ براہین احمدیہ پنجم/رخ ، ج۲۱/ص ۱۱۷ و ۱۱۸۔اب آپ دیکھیں کہ اللہ تعالےٰ کے قرار دئے ہوئے نبیوں کے سردار رسول کریم صلی اللہ علیہ وسلم نے بھی اس قسم کا دعویٰ نہیں کیا ، حالانکہ نبیوں کے سردار صلی اللہ علیہ وسلم میں تمام انبیاءکی خوبیاں، اللہ تعالےٰ یکجا کر دی تھیں لیکن مرزا نے یہ دعویٰ کر دیا۔کیا یہ رسول پاک صلی اللہ علیہ وسلم کی توہین نہیں؟

۳۹:۔لیکن بات صرف یہاں تک ہی نہیں رہتی بلکہ جس طرح خود پوری ڈھٹائی اور بے شرمی کے ساتھ اپنی ہی کہی ہوئی باتوں کے خلاف کرتے رہے اور شریعت و اخلاق کا جنازہ نکالتے رہے ، پنجابی کہاوت کہ” چور دوسروں کو کہے چور“ کے مصداق،نعوذ باللہ من ذالک رسول پاک صلی اللہ علیہ وسلم کو بھی گرا ہوا انسان ثابت کرنے کی ناپاک کوششیں کیں ،اور بے بنیاد اتہامات انکی ذات اقدس پر لگانے کی کوشش کی، کئی مثالیں ہیں لیکن صرف تین مثالیں پیش کرونگا۔خنزیر جسکی حرمت مذہب اسلام نے بیان کی ہے اور رسول پاک صلی اللہ علیہ وسلم سے بڑھ کر کوئی بھی اس حرمت کو قائم اور دائم رکھنے کا دعویٰ نہیں کر سکتا، ان کی ذات اقدس پر یہ گندے، ذلیل ، کراہیت آمیز الزام لگاتے ہوئے مرزا کا قلم کانپانہ حیا آیا، نہ خدا خوفی محسوس ہوئی، ہوتی بھی کیسے اپنے آپ کو کائنات کا افضل ترین انسان جو سمجھتے تھے۔

لکھتے ہیں، ” آنحضرت صلی اللہ علیہ وسلم اور آپکے اصحاب عیسائیوں کے ہاتھ کا پنیر کھا لیتے تھے حالانکہ مشہور تھا کہ سور کی چربی اس میں پڑتی ہے “۔ مرزا صاحب کا مکتوب / اخبار الفضل قادیان، ۲۲ فروری ۱۹۲۴ ۔کیا یہ رسول پاک صلی اللہ علیہ وسلم کی توہین نہیں؟

دوسری جگہ لکھتے ہیں، ”اور آپ صلی اللہ علیہ وسلم ایسے کنواں سے پانی پیتے تھے جس میں حیض کے لَتے پڑتے تھے“۔ منقول از اخبار ” الفضل “ قادیان / ص ۹ / مورخہ ۲۲ فروری ۱۹۲۴ ۔ کیا یہ رسول پاک صلی اللہ علیہ وسلم کی توہین نہیں؟

اور اسی خط میں صحابہ کے بارے میں لکھا ہے کہ”۔ صحابہ کسی مرض کے وقت اونٹ کا پیشاب بھی پی لیتے تھے“۔ استغفراللہ۔ کس طرح بالواسطہ طور پر ذہن میں ڈالنے کی ناپاک کوشش ہے کہ جو پلید ترین شے جس کے چھینٹے بھی حرام ہیں، نبی کریم صلی اللہ علیہ وسلم کے تربیت یافتہ صحابہ اسکو پی بھی لیتے تھے، کیا یہ بات براہِ راست توہین رسول اللہ صلی اللہ علیہ وسلمکے زمرہ میں نہیں آتی؟کیا یہ رسول پاک صلی اللہ علیہ وسلم کی توہین نہیں؟

۴۰:۔مرزا صاحب کا مزید بغض یہاں دیکھیں کہ ان کی ہر قسم کی تاویلوں، دلیلوں، تحریروں کے باوجود کس طرح ننگا ہوتا ہے، مرزا صاحب اس ذات کے روضہ پاک ، جن کو کمزور سے کمزور، گناہ گار سے گناہ گار مسلمان بھی، دیکھنا، چومنا، اس جگہ کی خاک کو اپنے منہ پر ملنا دنیا کی ہر نعمت سے بڑھ کر سمجھتا اور کرتاہے، اس پاک جگہ کے بارے میں خود ساختہ اور جعلی عاشق رسول مرزا صاحب کے خیالات کیا ہیں، بظاہر حضرت عیسیٰ پر رسول پاک صلی اللہ علیہ وسلم کی برتری ظاہر کرنا چاہتے ہیں، لیکن بغض چھپ نہیں سکا، لکھتے ہیں، ” خدا تعالےٰ نے آنحضرت صلی اللہ علیہ وسلم کے چھپانے کے لئے ایک ایسی ذلیل جگہ تجویز کی جو نہایت متعفن اور تنگ اور تاریک اور حشرات الارض کی نجاست کی جگہ تھی“۔تحفہ گولڑویہ /ر خ، ج ۱۷/ ص ۲۰۵، حاشیہ۔ اور یہ خیالات اس جگہ کے بارے میں لکھے جا رہے ہیں ، جس جگہ کے بارے میں حضور پاک صلی اللہ علیہ وسلم نے فرمایا، ” میرے گھر اور میرے منبر کا درمیانی حصہ جنت کے باغوں میں سے ایک باغ ہے“۔سراج المنیر،شرح جامع الصغیر، ص۲۴۶/ بحوالہ ثبوت حاضر ہے ،مصنفہ محمد متین خالد۔آپ خود سوچیں ، چاہے موازنہ ہو یا کچھ اور کیا رسول پاک صلی اللہ علیہ وسلم سے محبت کرنیوالا، انکا ظل ہونے کا دعویٰ کرنے والا، عین محمدصلی اللہ علیہ وسلم ہونے کا دعویٰ کرنیوالا، انکی غلامی کا دعویٰ کرنیوالا، انکی پیشگوئیوں کے مصداق آنیوالا، اگر واقعی ہی سچا مدعی ہے تو کیا ایسے الفاظ لکھ سکتا ہے؟ کیا یہ رسول پاک صلی اللہ علیہ وسلم کی توہین نہیں؟